പത്തനംതിട്ട: പരുമലയില് യാക്കോബായ സുറിയാനി സഭ നിര്മ്മിക്കാന് ഉദ്ദേശിക്കുന്ന പള്ളിയുടെ പേരില് സംഘര്ഷം സൃഷ്ടിക്കാന് ഓര്ത്തഡോക്സ് സഭ മനഃപൂര്വ്വം ശ്രമങ്ങള് നടത്തുകയാണെന്ന് യാക്കോബായ സഭ നിരണം ഭദ്രാസനാധിപന് ഡോ. ഗീവര്ഗീസ് മാര് കൂറിലോസ് ആരോപിച്ചു. നിലവിലുള്ള പള്ളിയുടെ പേരില് യാക്കോബായസഭ പുതിയ പള്ളി പണിയുന്നുവെന്ന പ്രചാരണം അടിസ്ഥാനരഹിതമാണ്.
സെന്റ് ഗ്രിഗോറിയോസ് യാക്കോബായ പള്ളിയെന്ന പേരിലാണ് പുതിയ നിര്മ്മാണം. ഓര്ത്തഡോക്സ് സഭയുടെ പരുമല സെമിനാരി പള്ളിയുടെ പേര് സെന്റ് പീറ്റേഴ്സ് ആന്ഡ് സെന്റ് പോള്സ് ഓര്ത്തഡോക്സ് പള്ളിയെന്നാണ്.
യാക്കോബായ സഭയുടെ പള്ളി വരുന്നതോടെ പരിശുദ്ധ പരുമല തിരുമേനിയുടെ നാമത്തിലുള്ള പരുമലയിലെ പ്രഥമ പള്ളിയായിരിക്കും ഇത്.
പരുമല സെമിനാരിയില് നിന്ന് ഏറ്റവും കുറഞ്ഞത് 750 മീറ്റര് അകലെയാണ് പുതിയ പള്ളി നിര്മ്മിക്കുന്നത്. ഈ പ്രദേശത്തുള്ള യാക്കോബായ സഭാ വിശ്വാസികളായ 25 കുടുംബങ്ങള്ക്ക് ആരാധനയ്ക്കാണ് പള്ളി നിര്മ്മിക്കുന്നത്.
യാക്കോബായ സഭ www.parumalappally.org എന്ന വെബ്സൈറ്റ് തുടങ്ങിയത് സൈബര് നിയമങ്ങള് പാലിച്ചുകൊണ്ടാണ്. ഈ വെബ്സൈറ്റിന്റെ പേരില് എന്തെങ്കിലും തെറ്റിദ്ധാരണ പരത്തുന്നുണ്ടെങ്കില് അത് തിരുത്താന് യാക്കോബായ സഭ തയ്യാറാണ്.
പരുമല സെമിനാരിയില് പെരുന്നാളും തീര്ത്ഥയാത്രയും നടത്തുന്ന അതേ തിയ്യതികളില് പുതിയ പള്ളിയില് അത്തരം ആചാരങ്ങള് നടത്തുകയില്ലെന്ന് രേഖാമൂലം ഉറപ്പ് നല്കാന് സഭ തയ്യാറാണ്. പരുമല സെമിനാരിയില് യാക്കോബായ സഭയ്ക്ക് അവകാശങ്ങളുണ്ട്. എന്നാല് അതുന്നയിച്ച് ഇതുവരെ ഒരു കേസുപോലും കൊടുത്തിട്ടില്ല.
യാക്കോബായക്കാര് ഭൂരിപക്ഷമുള്ള പ്രദേശങ്ങളില് യാക്കോബായ പള്ളികളുടെ സമീപം ഓര്ത്തഡോക്സ്സഭ പല പള്ളികളും സ്ഥാപനങ്ങളും നിര്മ്മിച്ചിട്ടുണ്ട്. അവിടെയൊന്നുമില്ലാത്ത സംഘര്ഷസാധ്യത പരുമലയില് ഉണ്ടെന്ന് പറയുന്നത് എന്തുകൊണ്ടാണെന്ന് ഓര്ത്തഡോക്സ് സഭ വ്യക്തമാക്കണം-ഡോ: ഗീവര്ഗീസ് മാര് കൂറിലോസ് മെത്രാപ്പോലിത്ത ആവശ്യപ്പെട്ടു.
1 comment:
ഓര്ത്തഡോക്സ് സഭ തര്കിക്കുവാന് മാത്രം ഒന്നും സംഭവിച്ചിട്ടില്ല ,പരുമല തിരുമേനിയെ വെച്ച് ഇത്രയും നാളും കാശ് ഉണ്ടാക്കി മെത്രന്മാര് സുഖിച്ചു . അത് നഷ്ടപെടുമെന്നുള്ള പേടി കാരണമാകും ഇപ്പോള് ഈ ഭീഷണി ,പരുമല തിരുമേനി അന്ത്യോഖ്യയുടെതനെങ്കില് പരുമലയില് പള്ളി പണിഞ്ഞിരിക്കും,കുറെ ഊപ്പകളെ കാണിച്ചു വിരട്ടനാണ് പരിശുധന്മാര് നോക്കുന്നതെങ്കില് അത് 8 ആയി മടക്കി മെത്രാന്മാരുടെ കീശയില് വെച്ചേക്കു. സത്യാ വിശ്വാസത്തില് പടുത്തുയര്തിയതാണ് യാക്കോബായ സഭ ,മരിക്കുവോളം അതിനുവേണ്ടി നിലകൊള്ളും. ഞങ്ങള്ടെ പ്രതിഫലം സ്വര്ഗത്തില് നിന്നാ ,അല്ലാതെ പാവങ്ങള്ടെ പിടിച്ചുമെടിച്ചല്ല ..
Post a Comment